Сузакта төрт өспүрүм мектеп окуучусун сабашып, ал эс-учун жоготуп ооруканага түшкөн

Сузак районунда мушташтын натыйжасында мектеп окуучусу жаракат алды. Бул тууралуу укук коргоо органдары маалымат каражаттарына билдирди.
 
Маалыматка ылайык, окуя 22-майда эртең менен болгон. Мушташтын натыйжасында 16 жаштагы Н.А. эс-учун жоготуп, Жалал-Абад клиникалык ооруканасына түшкөн.
 
«Факт КЖБРине катталып, сотко чейинки өндүрүш башталды. Тергөө учурунда жабырлануучунун атасы милицияга кайрылган. Ал уулун сабагандарга чара көрүүнү суранды. Мушташка катышкан өспүрүмдөрдүн бири 21-майдан 22-майга караган түнү саат 01.15 чамасында төртөө Н.А. аттуу мектеп окуучусун сабашканын айтты. Сузак райондук сотунун чечими менен шектүүлөрдүн бардыгы үй камагына чыгарылды », - деп билдирди ШИИБ.