Акыркы коңгуроо аземи онлайн форматта өткөрүлөт жана көңүл ачуучу иш-чараларга тыюу салынат

Кыргыз Республикасынын Билим берүү жана илим министрлигинин 11-майдагы буйругуна ылайык, 25-майда акыркы коңгуроо аземи онлайн форматта өткөрүлөт жана ар кандай көңүл ачууга багытталган иш-чараларды өткөрүүгө тыюу салынат.

Облустардын аймагында орун алган бардык билим берүү мекемелеринде, коомдук жайларда жана көчөлөрдө, эс алуучу жайларда, калктуу аймактан сырткаркы жерлерде коомдук коопсуздукту камсыздоо, ар кандай кырсыктарга, укук бузууларга, топтошуп мушташууларга жол бербөө жана жол кырсыктардын алдын алуу максатында облустук ички иштер башкармалыктары тарабынан комплекстүү иш-чаралар уюштурулууда.