Сокулук районунда 14 жаштагы кызды зордуктоого өгөй атасы шектелүүдө

 Сокулук районунда жашы жете элек кызды зордуктоого шектелип 34 жаштагы жаран кармалды. Бул тууралуу Чүй облустук ички иштер башкармалыгы билдирди.
 
Белгиленгендей, 15-майда жергиликтүү тургун Ю.Г. 14 жаштагы кызын зордуктаган күйөөсүнө чара көрүү өтүнүчү менен милицияга кайрылган.
 
“Факт кылмыштардын жана жоруктардын бирдиктүү реестрине “16 жашка жете элек кызды зордуктоо” беренеси менен катталды. Милиция кызматкерлери арыздануучу менен шектүү 2012-жылдан бери чогу жашаганын, анын биринчи күйөөсүнөн кызын бирге тарбиялап келишкенин аныктады. Шектүү кызды зордуктагабаганын билдирүүдө, ал убактылуу кармоочу жайга киргизилди”, – деп айтылат маалыматта.