УКМК: "Ташиев тажиктерден кечирим сурады делген видео монтаждалган"

Кыргызстандын Улуттук коопсуздук мамлекеттик комитети мекеменин жетекчиси Камчыбек Ташиев тажик делегациясынын алдында кечирим сураган эмес. Бул тууралуу УКМКнын маалымат кызматы билдирди.

"Камчыбек Ташиев тажикстандык делегациянын алдында кечирим сураган видеоматериал монтаждалган. Ал атайын кызматтын башчысын каралоого багытталган аракет", — дешти УКМКдан.

Эскерте кетсек, интернет айдыңында жана маалымат каражаттарында Ташиевдин тажик делегациясы менен жолугушуп, кечирим сураган ролиги тараган.