Лейлекте өрттөлүп, талкаланган үйлөрдүн саны 107ге жетти

 Акыркы маалыматтар боюнча, Баткен облусунда 107 үй талкаланган. Бул тууралуу Өзгөчө кырдаалдар министрлигинин басма сөз кызматынан билдиришти. 
 
Маалыматка ылайык, эки мектеп, фельдшердик акушердик пункт, бала бакча, милиция бөлүмү, үч өткөрүү пункту, он май куюучу жай жана сегиз дүкөн өрттөлүп, талкаланганы такталды. 
 
Баткен району боюнча: турак жайлар - 32; мектептер - 2; бала бакча - 1; ФАП - 1; ички аскерлердин имараты - 1; «Миң-Булак» жана «Достук» чек ара заставалары.
 
Лейлек районунда: турак үйлөр - 75; май куюучу жайлар - 10; дүкөндөр - 8; чекене соода түйүндөрү - 4; социалдык объектилер - 4; мамлекеттик мекемелер - 2.