Айып пул салынды. Финполдун мурдагы жетекчиси Бакир Таиров кылмыш ишине күнөлүү деп табылды

Бишкек шаарынын Биринчи Май райондук сотунда Экономикалык кылмыштуулукка каршы күрөшүү боюнча мамлекеттик кызматынын мурдагы башчысы Бакир Таировдун ишине байланыштуу соттук отурум өттү. Бул тууралуу Биринчи Май райондук сотунан билдиришти. 

Маалыматка ылайык, Биринчи май райондук сотунун 21-апрелиндеги өкүмү менен ал кылмыш ишине күнөөлүү деп табылды.

"Ошондой эле ага карата мамлекеттин бюджетине 265 миң сом өлчөмүндө VI категориядагы айып пул төлөөгө чечим чыкты", - деп билдиришти аталган соттун маалымат кызматынан.
Эске салсак, Бакир Таиров 2020-жылдын 10-декабрында акча каражатын мыйзамсыз алуу фактысы менен кармалып, УКМКнын СИЗОсуна киргизилген.