Акын, котормочу жана радиожурналист Тенти Орокчиев дүйнө салды

КР маданиятына эмгек сиңирген ишмер, акын, котормочу жана радиожурналист Тенти Орокчиев бул дүйнө менен кош айтышты. Кабарды маркум көп жылдар бою эмгектенип кеткен "Кыргыз радиосунан" кесиптештери тастыктады.

Ал 1938-жылдын 8-сентябрында Тоң районуна караштуу Көк-Сай айылында туулган.
Радио тармагында көп жылдар бою иштеп, КТРКнын Кыргыз радиосунун алтын казынасын түптөөгө салым кошкон. Учурунда көптөгөн залкар инсандар менен радиомаек уюштуруп, КТРКнын алтын казынасында 300гө чукулу сакталып турат. Алардын узактыгы 20 мүнөттөн бир жарым саатка чейин.
2011-жылдан бери кагазга түшүрүп, китеп кылып, үч томдугун чыгарууга жетишкен.