Бишкекте 15 аял өздөрүнө бензин чачып, өрттөө акциясын жарыялаган

Чүй облусунун Аламүдүн районундагы Пригородный айыл аймагынын айыл өкмөтүнүн имаратында 15 аял өздөрүн өрттөө акциясын уюштурууга даяр экендигин билдиришти. Бул тууралуу 24.kg маалымат агенттигине нааразычылык акциясынын катышуучуларынын бири билдирген.
 
Маалыматка ылайык, үч жыл мурун аялдар жеке адамдардан жана коммерциялык банктардан пайыздык үстөк менен насыя алышкан, бирок насыяларын убагында төлөй алышкан эмес. Акциянын бардык катышуучулары жалгыз бой энелер жана үч жылдан бери топтолгон пайыздык карыздарды жоюуну талап кылышууда. Алар айыл өкмөттүн имаратына газ баллонун алып келип, өздөрүнүн үстүнө бензин чачышып, өрттөө акциясын уюштурушкан.