Бишкекте түн ичинде көпүрөнүн алдынан аялдын жансыз денеси табылды

Бишкекте түн ичинде Кийизбаева жана 7-Апрель көчөлөрүндөгү көпүрөнүн алдынан аялдын жансыз денеси табылды. Бул тууралуу ӨКМнын басма сөз кызматынан билдиришти.

Маалыматка ылайык, ИИМдин 102 кызматына аталган жерде жансыз дене жатат деген билдирүү келип түшкөн.
Айтылган дарекке ӨКМнын кызматкерлери барып жансыз денени көпүрөнүн алдынан алып чыгуу иштерин жүргүзүшкөн. 5 куткаруучу сөөктү милиция кызматкерлерине өткөрүп беришкен.
Учурда окуянын чоо-жайы иликтенип жатат.