Үч мектеп окуучусунан коронавирус табылды, класстар карантинге жабылды

Ошто үч мектеп окуучусу коронавирус жуктуруп алганы аныкталды. Бул тууралуу Ош шаарынын саламаттыкты сактоо боюнча координатору Кыялбек Ташболотов маалымат каражаттарына билдирди. 
 
Анын айтымында, оору жуктуруп алган балдардын бардыгы бир үй-бүлөдөн, бирок ар кайсы мектептерде окушат. Балдарга вирус атасынан жуккан. Анын эки баласы «Жетиген» мектеп-лицейинде, бирөө «Олимп» гимназиясында окуйт. Балдар окуган класстар карантинге жабылган.