Апрель айынын башынан бери 37 мектеп окуучусунун коронавирус жуктуруп алганы аныкталды

 Апрель айынын башынан бери 37 мектеп окуучусу COVID-19 оорусу менен оорушту. Бул тууралуу Саламаттыкты сактоо жана социалдык өнүгүү министринин орун басары Улук-Бек Бектурганов брифингде билдирди.
 
Анын айтымында, март айында мектеп жашындагы (7-14 жаш) балдар арасында 117 учур катталган. Мектепке чейинки курактагы балдардын арасында март айында 74, ал эми апрель айында 23 учур аныкталган.Министрдин орун басары кошумчалагандай, оорунун көбөйүшүнө аба ырайы да таасирин тийгизген.