Жалал-Абад облусунун Аксы районунда 7-класстын окуучусу төрөдү. Бул тууралуу райондук билим берүү бөлүмүнүн башчысы Талант Эмилбек уулу маалымат каражаттарына билдирди.
Анын айтымында, мектеп окуучусу бүгүн, таӊы саат 4: 00дө жергиликтүү ооруканалардын биринде көз жарган.
Талант Эмилбек уулу кыздын Кара-Суу айыл өкмөтүнүн мектептеринин биринде окуй турганын, анын мыкты окуучу экенин, олимпиадаларга катышып жүргөнүн, ал кош бойлуулуктун акыркы мөөнөтүнө чейин мектептке барганын, өспүрүмдүн ата-энеси дагы, мугалимдер дагы анын кош бойлуулугун билбегенин кошумчалады.
Бул факты Кылмыштардын жана Жоруктардын бирдиктүү реестерине Кыргыз Республикасынын Кылмыш-жаза кодексинин 164-беренеси («Он алты жашка жетелек адам менен сексуалдык мүнөздөгү аракеттер») менен катталган. Учурда тергөө иштери жүрүп жатат.
Эне менен баланын абалы канааттандырарлык.
