Жасалма номур тагылган «Ламборджининин» ээси Файзиев үн катты…

10-февралда Орозбеков менен Киев көчөлөрүнүн кесилишинде «Ламборджини» үлгүсүндөгү спорттук машина токтотулуп, жасалма номер тагылып жүргөнүн милиция кызматкерлери аныкташкан. Натыйжада, «Биринчи май РИИБдин тергөө тобу чакырылган. Машина айып короого токтотулган. Бул факт Жоруктар жөнүндө кодекстин 173-статьясы (транспорттук каражаттын идентификациялык номерин жасалмалоо же жок кылуу) боюнча Кылмыштар жана жоруктардын бирдиктүү реестрине катталып, сотко чейин өндүрүш иши башталганы айтылган. 

Мына ушул жагдай боюнча «Ламборджини» машинасынын ээси, «Elite House» курулуш компаниясынын негиздөөчүсү жана ээси Тимур Файзиев маалымат таратты. Жагдай боюнча Файзиев түшүндүрмө берип, аладын үй бүлөсүнө таандык, тагыраагы өзүнө жана апасына таандык болгон эки унаанын номурлары 99 пайызга окшош болгонун билдирди. Бул тууралуу ал видео жайгаштырып, номурлар алмашып гана кеткенин айтты.