Бишкекте социалдык тармактарда баӊгизаттарын сатып жүргөн россиянын жараны кармалды

Бишкекте психотроптук жана баңги заттарды сатуу боюнча туруктуу каналды жоюу боюнча операция жүргүзүлдү. Бул тууралуу Кыргыз Республикасынын Ички иштер министрлигинин Баңги заттарды мыйзамсыз жүгүртүүгө каршы күрөшүү кызматынын басма сөз кызматы билдирди.
 
Мекеменин маалыматына ылайык, сотко чейинки тергөө материалдарынын алкагында Бишкек шаарында баңги жана психотроптук заттарды «LuCHiKso» аккаунту менен социалдык тармактар жана Telegram аркылуу сатууну уюштурган аялдын өздүгү аныкталды.
 
Россиянын 27 жаштагы жараны К.А. Кылмышка шектүү жашаган жерде тинтүү учурунда таблетка түрүндөгү белгисиз баңги заттары, лампалар, түтүкчөлөр жана ролл түрүндөгү тамеки чегүү үчүн аксессуарлар (тамеки чегүүчү аралашмаларды колдонуучу шайман) табылган.
 
Соттук-химиялык изилдөөнүн корутундусуна ылайык, табылган жана алынган заттар (41 грамм) жаңы психоактивдүү зат болуп саналат. Учурда бул кылмышка тиешеси бар башка адамдарды аныктоо боюнча тергөө-оперативдик иш-чаралар жүрүп жатат.