Кыргызстан коронавирусту тез аныктоочу 5000 тест сатып алды

Саламаттык сактоо жана Тышкы иштер министрликтери аркылуу коронавирус илдетин тез арада аныктоочу 5 миң экспресс-тест Кытайдан сатып алынды.

Экспресс-тест Финансы министрлигинде ачылган эсепке түшкөн каражатка алынды. Бул эсеп коронавирустун жайылышына жол бербөө максатында ачылган.

Бул тест менен илдетти 20 мүнөттүн ичинеде аныктоого болот. Адистер бул экспресс-тест менен бүгүндөн баштап иштей башташат. Саламаттык сактоо министрлигинин маалыматы боюнча, мындай тест Кытайда жана Түштүк Кореяда абдан натыйжалуу болгонун көрсөттү.