Жүздөн ашык соодагер Ош базарынын ичинен орун алышты

Бишкектеги Ош базарынын сыртында турган 107 соодагерге базардын ичинен орун берилди. Бул тууралуу маалымат булактарынын бирине Ленин райондук акимчилигинен кабарлашты.

Маалыматта аталган акимчиликтин мобилдик топтору күн сайын Ош базарынын айланасын кыдырып, мыйзамсыз соода кылгандарды тартипке чакырып жатканы айтылган.

Буга чейин соодагерлер пикетке чыгып, өкмөттөн аларды ордунда калтырууну өтүнгөн.