Мечиттеги 900 миң сомду уурдоого шектелген жаран кармалды

Милиция кызматкерлери Бишкек шаарынын борбордук мечитинде ири уурулукка шектелген адамды кармады. Бул тууралуу шаардык ички иштер бөлүмүнүн басма сөз кызматы билдирди.
 
 Кармалган адам 50 жашта экендиги такталды. Алар жанын капчык жана акчаны табышкан. Кылмышка шектүү Свердлов райондук ички иштер башкармалыгынын тергөө кызматына жеткирилген.
 
Белгилей кетсек, Бишкектин борбордук мечитинде ичинде 900 миң сом акчасы менен капчыгы уурдалган. Акчадан тышкары, капчыкта 12 миң сомдук алтын сөйкө, паспорт жана айдоочулук күбөлүк дагы болгон. 
Уурулук учуру видеого тартылып калган.