Кочкор районунда сарайда каза болгон келинди күйөөсү атка сүйрөтүп өлтүргөнбү?..

 
Кочкор районуна караштуу Теңдик айылындагы Тынай-Булак кыштоосундагы сарайда каза болгон 22 жаштагы келин күйөөсү тарабынан өлтүрүлгөнүн SUPER.KG порталы өздүк булактарына таянып жазды. 
 
"23-январь күнү кечке жуук 22 жаштагы келиндин күйөөсү мас абалда үйүнө келип аны ур-тепкиге алып, аёосуз сабаган. Күйөөсүнөн качып чыгып ылдыйкы малын бактырган кишинин үйүнө келген. Күйөөсү келиндин артынан ат менен барып ал жактан чынжыр менен атка байлап, өздөрү жашаган сарайга чейин сүйрөтүп келген. Тилекке каршы, коңшулары артынан барганда келиндин денеси жанчылып, боору эзилип каза болуп калган",-  деп айтылат маалыматта.