«Кайдыгерликтин курмандыгы». Бишкекте дайынсыз жоголгон пенсионер тоңуп каза болду

5-январда, саат 17:30 чамасында Батыш Автобекетиндеги аймактан (Жаңы Автовокзалдан) чыгып кеткен боюнча дайынсыз болуп жаткан 74 жаштагы Кубат Айдаровдун сөөгү табылды. Бул тууралуу ИИмдин коомдук коопсуздук кызматы билдирет.
 
«Кайдыгерликтин курмандыгы. Жоголгондон бери бир нече адам Кубат чоң атаны көрүп, сүйлөшүшкөн. Бирок анын оорусуна байланыштуу сүйлөшкөн адамдар аны мас деп ойлошкон да жардам беришкен эмес. Ал тоӊуп каза болуп калган. Анын үй-бүлөсүнө көңүл айтабыз», - деп жазат аталган кызмат.