Ипотека менен турак жай сатып алгандар үчүн көп кабатуу үй курулат

Ош шаарында ипотека менен турак жай сатып алган жарандар үчүн үчүнчү үйдү кура башташат. Бул тууралуу түштүк борбордун мэриясынын басма сөз кызматы билдирди. Анын айтымында, мындай маалыматты коллегияда вице-мэр Жасур Азимов билдирди. 2021-жылы алар Ош шаарын өнүктүрүүгө дагы көңүл бурушат.
 
«Шаар мэри Таалайбек Сарыбашовго шаарды жакшыртуу жана жарандарга бардык шарттарды түзүү тапшырмасы берилди. Быйыл жергиликтүү бюджетке ылайык иш жүргүзүлдү. Жакында ипотека алган тургундар үчүн шаардагы үчүнчү үйдү кура баштайбыз. 2021-жылы биз курулуш тармагында көптөгөн долбоорлорду ишке ашырууга аракет кылабыз», - деди Жасур Азимов.