Садыр Жапаров президент болсо, Жетим-Тоо Кытайдын карамагына өтөбү?

Фейсбук колдонуучусу Динара Самет өзүнүн баракчасы аркылуу Нарындын элине кайрылуу жасады. Ал Садыр Жапаровдун абактан жаңы чыкканда Кумтөрдү мамлекеттин карамагына алып, алтынды өзүбүз иштетебиз деп айтып, бийликке келгенден кийин Кумтөрдө алтындын запасы калбаганын, аны кайтарып алуунун кажети жоктугун айтып, сөзүнө тура албаганын эске салды. 

"Эртеңки күнү Жапаров президент болуп келсе, Жетим-Тоону да Кумтөрдүн тагыры күтүп турат" дейт ал.

Ошондой эле Бакиевдердин бийлигинин тушунда курулуш компаниясы катары катталган "Art Mining" компаниясы азыркы күндө кытай тараптын кен казуу боюнча ири компаниясы катары кайрадан катталып, Жетим-Тоону иштетүү үчүн күрөшүп жатканын кошумчалады.

"Бул Жапаровдун Бакиевдин командасы менен иш алып барып жатканынны далили" дейт Динара Самет.