"Альфа Телеком" компаниясынын башкы директорунун жетекчиси (MegaCom) Төрөхан Жунусбеков үгүт иштери менен алек болуп жүрөт деген кине менен Борбордук шайлоо комиссиясына арыз түшкөн. Бул тууралуу аталган комиссиянын маалымат кызматынан кабарлашты.
16-декабрда координациялык топко Facebook тармагында Төрөхан Жунусбековдун президенттик шайлоого катыша турган талапкерлердин бири боюнча билдирүүсү талкууланып жатканы айтылган. БШКнын мүчөсү Гүлнара Журабаева мамлекеттик компаниянын башчысынын кеңешчиси болуп туруп, Жунусбеков "Жогорку Кеңешти жана КР президентин шайлоо жөнүндөгү" Конституциялык мыйзамдын 22-беренесин бузгандыгын белгилеген.
Мыйзамга ылайык, "Жогорку Кеңештин депутаттарын кошпогондо, мамлекеттик жарандык жана муниципалдык кызматчылар, мамлекеттик саясий кызмат орундарын, атайын мамлекеттик жана саясий муниципалдык кызмат орундарын ээлеген адамдар, жергиликтүү кеңештердин депутаттарын кошпогондо, шайлоо комиссияларынын мүчөлөрү, байкоочулар, эл аралык байкоочулар, диний ишмерлер, кайрымдуулук иштери менен алектенишкен уюмдардын уюштуруучулары жана мүчөлөрү, 18 жашка толо элек адамдар, чет элдик жарандар жана уюмдар, жарандыгы жок адамдар үгүт жүргүзүүгө, кандай болбосун үгүт материалдарын чыгарууга жана таркатууга укуксуз".
БШКдан мыйзам бузуу боюнча Башкы прокуратура жана Ички иштер министрлигине кабарланганын айтышты.
