УКМК чагымчыл маалымат тараткандарга чара көрөт

 
Улуттук коопсуздук боюнча мамлекеттик комитети социалдык тармактарда аймактар жана улуттар аралык кастыкты козутууга багытталган чагымчыл материалдардын таралышы боюна иликтөөнү баштады. Бул тууралуу  УКМКнын басма сөз кызматы билдирди.
 
Мекеменин маалыматына караганда, чагымчыл материалдар өлкөдөгү коомдук жана саясий кырдаалды курчутуу максатында жайылтылууда. УКМК чагымчыл материалдарды жайылтууга катышкан адамдарды аныктоо боюнча ыкчам-издөө иш-чараларын жүргүзүүдө.
 
Ошондой эле УКМК аймактар аралык кастыкты козутуу максатында чагымчыл материалдарды тараткандарга кылмыш-жаза жоопкерчилиги каралгандыгын эскертти.