Тата Улан: "Кыргыз балдары "көгүш" болгон эмес, болбош да керек"

Кечээ, 10-мартта Бишкек шаарынын чок ортосунда болуп өткөн "Зордук-зомбулукка каршы" аталышындагы тынчтык митингине эл тааныган инсандар да барып катышып, өз пикирлерин билдиришти. Алардын арасында белгилүү ырчы Тата Улан да бар. Ырчы журналисттерге өз позициясы, пикири менен бөлүшүп жатып, кыргыз кыздарынын жылаңачтанып музейде жүргөнү туура эместигин айтып, "кыргыз мырзалары эч качан "көгүш" болгон эмес, болбош да керек" деген оюн билдирди.  Өз кезегинде аялдардын укугу тебеленип жатат деп акцияга чыккан кыздардын бири "жылаңачтанбасак бала кантип пайда болот?" деген суроо узатып, "бала музейге чыгып жылаңачтанганда бала пайда болбойт" деген жообун алды.