Түркиядагы зилзаладан каза болгондордун саны 24кө жетти

Түркиянын батышындагы жер титирөөдөн каза болгондордун саны 24кө жетти. Бул тууралуу дүйнөлүк басылмалар  Жаратылыш кырсыктары жана өзгөчө кырдаалдар агенттигинин (AFAD) маалыматына таянып жазышууда.

Маалыматка караганда, жаратылыш кырсыгынан 804 адам жабыркаган.

Эске салсак, кечээ, 30-октябрда, Түркиянын батышында күчү 6,6 баллга жеткен жер титирөө катталган. Очогунун тереңдиги 16,5 чакырымды түзүп, ал Измирдеги Сеферлихисар шаарындагы райондо жайгашкан.