Үй-бүлөлүк зомбулуктун айынан Кыргызстанда аялдардын өлмүнүн саны көбөйгөндөн көбөйүп бара жатат. 2019-жылдын 30-сентябрында өз үйүндө, өз күйөөсүнүн колунан дагы бир аял балталанып, мыкаачылык менен өлтүрүлгөн. Болгондо да маркумдун өмүрлүк жары аялын өлтүрүп жатканда жанында 8 жашар баласы да болгон. Аталган окуя боюнча териштирүү иштери аягына чыгып, маркумдун жолдошуна өкүм чыкты. Мыкаачы 14 гана жылга эркинен ажыратылды. Бул тууралуу Чүй облустук прокуратуранын адиси Нурлан Тагаев кабарчыларга айтып берди. “Аялы уктап калгандан кийин балтаны алып үч-төрт жолу чапкан. Сотто ал өкүнгөн жок, баары бир деле аялын өлтүрмөктүгүн айтты”, — дейт Тагаев.