Өзбекстанда эки мектеп карантинге жабылды

Өзбекстанда 14 -сентябрдан баштап мамлекеттик билим берүү мекмелери ишин баштаган. Бирок мектептердин ачылганына бир күн болгондон кийин эле кайра эки мектеп карантинге жабылды. Бул тууралуу жергиликтүү маалымат каражаттары жазып чыкты. 
 
Самарканд облусунун Пайарык аймагында 576 мугалим коронавируска тест тапшырып, 60 мугалимдин вирус жуктуруп алганы аныкталган. Ошондой эле Ташкенттин Шайхантахур районундагы №40 жана №262 мектептер карантинге жабылган. Аталган мектепте иштеген мугалимдер да вирус жуктуруп алышкандарын билбей эле, мектепке келишкен.