Меккеде быйыл 10 миңдей гана адам зыярат кылып жатат

Мекке шаарында мусулмандардын ажылык зыяраты башталып, пандемияга байланыштуу чет элдиктерге зыярат кылууга уруксат берилген жок. Бул тууралуу чет элдик басылмалар жазып чыгышты. 

Жыл сайын Меккеге ажылык жөрөлгөлөрдү аткарыш үчүн чет мамлекеттерден эки миллиондой мусулман келчү. 2012-жылы зыяратчылар көп катталып, алардын саны 3 миллиондон ашкан.

Быйыл 10 миңдей гана адам зыярат кылып жатат.  Анын үч миңи падышалыктын жарандары болсо, калган 7 миңи чет элдиктер, иш сапарда жүргөндөр жана студенттер.