Бишкек шаарында 1-июндан тарта ысык суу өчүрүлүп, фонтандар иштеп баштайт

Бишкек шаарында 1-июндан тарта 1-июлга чейин ысык суу өчүрүлөт. Бул тууралуу Бишкек шаарынын мэриясынан билдиришти.

Мэриядан билдиришкендей, тиешелүү буйрукка шаар мэрия Азиз Суракматов кол койгон.
⠀
“Ысык сууну өчүрүү жылда өткөрүлүүчү профилактикалык иштерге байланыштуу жана жылуулук түйүндөрүн жылуулук мезгилине карата даярдоо максатында болууда”, – деп билдирет мэрия.

Мэрия шаар тургандарынан ыңгайсыздыктар үчүн кечирип сурап, ысык суунун өчүрүлүшүнө түшүнүү менен мамиле кылууну суранат.

Аны менен бирге мэрия 1-июндан тарта шаардагы фонтандар иштей баштай турганын билдирет.