Путин: "Жеңиш парадын 24-июнда өткөрөбүз..."

9-майга пландалган парад жана "Өлбөс полктун" жүрүшү быйыл коронавирус эпидемиясынан улам өтпөй калгандыгына байланыштуу Россиянын президенти Владимир Путин Жеңиш парады 24-июнда өтөөрүн билдирди. Бул тууралуу РИА Новости жазып чыкты.

Маалыматка ылайык, мамлекет башчы иш-чарага даярдык көрүүнү баштоого буйрукту берген. 

Өлкө башчысы ошондой эле "Өлбөс полктун" жүрүшүндө аралыкты сактоо мүмкүн эмес экендигин айтып, аны 26-июлда, тагыраагы, Аскер-деңиз флотунун парадынан кийин өткөрүү пландалып жатканын белгилеген.