Прокурор Кубат Абдраимовго кызматтык форма менен калпак кийгени үчүн сөгүш жарыяланды

9-май күнү Улуу Жеңиштин 75 жылдыгына арналган иш-чарада Ош шаарынын прокурору Кубат Абдраимов  кызматтык форма менен калпак кийип алган сүрөтү коомчулукка жарыяланаары менен талкууга түшкөн. Бул боюнча "кызматтык форманы кийүүнүн эрежесин бузган" деген айып менен прокурор сөгүш алды. 

Көзөмөл органынын маалымат кызматынан билдиришкендей, сөгүш жарыялоо боюнча чечимге башкы прокурор Өткүрбек Жамшитов 20-май күнү кол койду. Маалыматка караганда, кызматкер мындай жаза алганда айлыкка кошуп берилчү сый акыдан куру калат.