Алматы аэропорту сатылды

Түркиялык «TAV Airports Holding» холдинг Алматы Эл аралык аэропортунун 100 пайыз акциясын сатып алды.  Аба майдандын баасы 415 миллион долларды түздү. Бул тууралуу Tengrinews.kz  маалымат булагы түркиялык холдингдин пресс-борборунун маалыматына таянып жазып чыкты.
 
«Казакстан экономикалык жана географиялык жактан алып караганда дагы эң ири өлкөлөрдүн бири. Ал эми Алматы болсо өлкөнүн эң чоң шаарларынын бири жана өлкөнүн ички дүӊ продукциясынын 20 пайызын түзөт. Алматы Кытай, Европа, Африканы байланыштырып турган заманбап Жибек жолунун борбору. Анын мүмкүнчүлүктөрү көп. Өзүбүздүн тажрыйбабызды колдонуп, аны дагы жакшыртууга болгон аракетибизди кылабыз", - деп билдирген холдингдин башчысы Сани Шенер.