Коронавирус менен ооруп жаткан 1766 адамдын 197си оор абалда

 Бүгүнкү күндө Кыргызстанда коронавируска каршы 1766 адам дарыланууда. Бул тууралуу Саламаттыкты сактоо жана социалдык өнүгүү министрлиги билдирет. 
 
Анын ичинен 849 бейтап амбулаториялык негизде (үйдөн), ооруканалардан - 766 дарыланууда. Коронавирус менен ооруп жаткан 28 адам өтө оор абалда, 169 адам оор абалда. Оорулуулардын басымдуу бөлүгүнүн абалы - 562 адам (же 75 пайыз) - орто оор деп бааланууда. Жети адамдын абалы канааттандырарлык.