Дордой конушуна бала бакча курулат

 
Бишкек мэриясы Дордой жаңы конушуна жаңы бала бакчанын курулушуна сынак жарыялады. Бул тууралуу муниципалитеттин басма сөз кызматы билдирди.
 
 
Мекеменин билдиргенине караганда, жаңы мектепке чейинки билим берүү уюму жалпы 140 орундуу болот. Долбоордук-сметалык документация толугу менен бүттү. Жаӊы курула турган бала бакча заманбап үлгүдө болуп, бардык шарттары менен курулат. 
 
Тендер шаардык мэриянын капиталдык курулуштун мамлекеттик жана мамлекеттик администрациясы аркылуу өткөрүлөт. Жаңы жалпы билим берүү уюмунун курулушунун баштапкы сметалык баасы 48 миллион 398 миң 113 сомду түздү. Каржылоонун булагы - шаардык бюджет.