Электроунааларды кубаттоочу станциялар электр энергиясы үчүн өзүнчө тариф менен төлөйт

 Электр энергиясына тарифтик шкалада 2 жаңы категория пайда болот. Бул тууралуу Отун-энергетика комплексин жөнгө салуу департаментинин директору Тимур Орозалиев Биринчи радионун түз эфиринде билдирди.
 
«Биз электромобилдерди кубаттоочу станциялар жөнүндө айтып жатабыз. Кубаттуулугу 23 кВт чейин болгон станциялар үчүн, башкача айтканда, бул жай кубаттоочу станциялар үчүн бизде 1 кВт саат үчүн 2,87 сом тариф болот. Алар өнөр жай объектилери сыяктуу төлөшөт. Электр энергиясын чектөөсүз кубаттоочу станциялар, башкача айтканда, тез кубаттоочу станциялар 1 кВт/саат үчүн 4,42 сомдон төлөйт», - деди ал.
 
Буга чейин ал ошондой эле бюджеттик керектөөчүлөр, цемент заводдору, тоо-кен ишканалары, алтынды кайра иштетүүчү жана куюучу ишканалар мурдагы тарифтер боюнча төлөй берерин айткан.