Кыргызстан Россиядан электр энергиясын сатып алат

  Кыргызстан менен Россиянын ортосунда Кыргыз Республикасына электр энергиясын жеткирүү боюнча келишим түзүлөт. Бул маалыматты Энергетика министринин орун басары Сабырбек Султанбеков журналисттерге тастыктады.
 
Анын айтымында, 2023-2024-жылдардын күз-кыш мезгилинде 875 миллион киловатт-саат импорттоо пландалууда.
 
«Импорттун баасы сүйлөшүүлөрдүн жүрүшүндө аныкталат. Учурда электр жарыгын берүү мөөнөтү да такталууда», - деди Сабырбек Султанбеков.