Беш жыл ичинде Кыргызстанда тамак-аш азыктарына болгон баа 51, 8 пайызга өстү

Акыркы беш жыл ичинде Кыргызстанда бааларынын жана тарифтеринин өсүшү бүтүндөй республика боюнча 39,2 процентти түздү. Мындай маалыматты Улуттук статистикалык комитет билдирет.
 
Мында тамак-аш азыктарына жана алкоголсуз суусундуктарга баа 51,8 пайызга, алкоголдук ичимдиктер жана тамеки 50,9 пайызга кымбаттаган. Азык-түлүк эмес товарлардын баасы 24,9 пайызга, калкка көрсөтүлүүчү кызматтардын тарифтери 23,5 пайызга жогорулаган.
 
Эске салсак, өткөн жылдын жыйынтыгы менен Кыргызстанда баалар 14,7 пайызга жогорулаган.