«Айыл Банк» ААКсы тарабынан фермерлерге өсүмдүк өстүрүү, мал чарбасы, айыл чарба продукциясын кайра иштетүү тармактары боюнча “Айыл чарбасын каржылоо – 10” долбоору аркылуу 6 пайыздык кредиттер берилүүдө. Долбоор Кыргыз Республикасынын Министрлер Кабинетинин 2022-жылынын 12-январындагы №3-т тескемеси менен бекитилген.
Ушул долбоор аркылуу алгач 1,8 миллиард сом бөлүнгөн. Бул сумманын 50% мал чарбасына, 25% чейин жер иштетүүгө, 25% кем эмес айыл чарба продукциясын кайра иштетүү үчүн берилип жатат.
2022-жылдын 10-майына карата 1 миллиард 427 миллион сом, 2489 дыйкандарга кредиттер берилди.
| Тармактар | Бөлүндү | Берилди | Саны |
| Мал чарбасы | 900 млн. сом | 839,3 млн. сом | 1461 |
| Өсүмдүк өстүрүү | 387,1 млн. сом | 429,0 млн. сом | 957 |
| Кайра иштетүү | 512,8 млн. сом | 158,9 млн. сом | 71 |
| Бардыгы: | 1,8 млрд.сом | 1 427,2 млн.сом | 2 489 |
2021-жылы электрондук кезекке 8921 кардар 6,9 млрд. сомго катталса, ал эми 2022-жылы 20 203 кардар 15,5 млрд. сомго катталган, башкача айтканда, кредит алуучулардын саны 125 % көбөйгөн. Буга байланыштуу, 2022-жылдын 28-апрелдеги Банк менен Каржы министрлигинин ортосунда түзүлгөн кошумча келишимге ылайык, дагы 480 млн. сом бөлүндү.
Электрондук кезекке туруу боюнча айта кетсек, дыйкандар январь айынын биринчи иш күнүнөн баштап паспорту менен “Айыл Банк” ААКсынын кеңселерине келип, кезекке каттала башташат. Катталган кардарларга качан, канчанчы болуп кезекке турганы тууралуу талон берилет. Бул долбоор боюнча каржылоо башталганда, Банк кызматкерлери кезек боюнча кардарларды чакырышат. Кредиттер ушул электрондук журналга катталган кезек менен гана берилет.
Мындан сырткары, Кыргыз Республикасынын Министрлер Кабинетинин 25-январь 2022-жылдын № 24-т тескемеси менен «Айыл Банк» ААКсы быйыл биринчи жолу “Товардык кредит” долбоорун ишке киргизди. Бул долбоор боюнча дыйкандарга үрөндөр берилип жатат. “Жаздын бир күнү жылды багат” демекчи, дыйкандар жазгы талаа-иштерин өз убагында бүтүрүш үчүн, Банк кызматкерлери иш убактысынан сырткары жана дем алыш күндөрү дагы иштешти.
| | Келгени (тонна) | Суммасы |
| Үрөөн | 6278,52 | 328 176 463 сом |
Белгилей кетүүчү жагдай, 2022-жылдын 19 -апрелинде дагы кошумча элита жана биринчи репродукциядагы 128 тонна арпа, 26-апрелде 400 тонна буудай келди жана райондорго бөлүндү.
| Кредит. саны | Саны кг. менен | суммасы |
Жактырылды | 1 540 | 746 914 | 38 286 692 |
Кредитке берилди | 6 207 | 3 939 816 | 203 991 120 |
Нак акчага сатылды | 950 | 428 450 | 21 593 639 |
Баардыгы: | 8 697 | 5 115 180 | 263 871 451 |
Калганы: | | 1 163 340 кг. | 64 305 012 сом. |
Ал эми, “Агроөнөр жай комплексин кредиттөө” долбоору боюнча дыйкандарга кеңеш берип, документтерин кабыл алып, кредиттерди берүү иши кызуу жүрүүдө.
Урматтуу дыйкандар жана фермерлер, биз Сиздерге ар дайым ачыкпыз жана колдоого даярбыз. “Айыл Банк” Сизге жакын!
