Эл кимге ишенет, Жапаровго же Ташиевгеби?

Кечээ 19-июлда Кыргыз Республикасынын укук коргоо, фискалдык жана башка мамлекеттик органдардын, жергиликтүү өз алдынча башкаруу органдарынын жетекчилеринин коррупцияга каршы күрөшүү маселелери боюнча Координациялык кеңештин жыйыны өтүп, Министрлер кабинетинин төрагасы Акылбек Жапаров жатат Коррупцияга каршы күрөшүүдө жылыш жакшы болбой жатканын айтып, каӊырык түтөттү. 

Анын айтымында, паракорчулук бүгүнкү күндө дагы бардык мамлекеттик кызматтарда болуп, өлкөнүн социалдык-экономикалык өнүгүүсүнө терс таасирин тийгизип жатат.

Ошол эле кезде, УКМКнын төргасы Камчыбек Ташиев коррупция менен тынымсыз күрөшүп, камаганын камап, кустурганын кустуруп натыйжалуу иштеп жатканын айтып келет. 

Ошондо эл кимге ишенет? Коррупция менен күрөштө жыйынтык болбой жатканын айткан Жапаровгобу же, күпүлдөгөн Ташиевгеби?