ЕАЭБ менен Кытай көз карандысыз акча-каржы системасынын долбоорун иштеп чыгат

Евразия экономикалык биримдиги менен Кытай көз карандысыз эл аралык валюта-финансы системасы боюнча долбоорду иштеп чыгат. Бул тууралуу Zakon.kz билдирди.
 
Евразиялык экономикалык комиссия болжолдуу түрдө бул система мүчө өлкөлөрдүн улуттук валюталарынын индекси жана чийки заттын баасынын индекси катары эсептелген жаңы эл аралык валютанын негизинде түзүлөөрүн билдирди. Биринчи долбоор марттын аягына чейин талкууга коюлушу күтүлүүдө.
 
«Дүйнөлүк экономикалык кризисти жана ЕАЭБ мамлекеттерине жана Кытайга карата чектөө чараларын эске алуу менен, биздин өлкөлөр үзгүлтүксүз эксперттик диалогдун деңгээлинде да, биргелешкен иш-чараларды жана долбоорлорду ишке ашыруу чөйрөсүндө да практикалык кызматташууну активдештирүүгө тийиш», - деди  ЕЭКтин интеграция жана макроэкономика министри Сергей Глазьев.