Омикрон менен беш жашка чейинки балдар көбүрөөк ооруйт

Омикрон менен беш жашка чейинки балдар көп ооруйт. Бул тууралуу Саламаттыкты сактоо министрлигинин Улуттук онкология жана гематология борборунун онкогематология бөлүмүнүн башчысы Шербет Жусупова брифингде билдирди.
 
Анын айтымында, бул вариант өтө жугуштуу, омикрон штамм жети эсе тез тарайт. 
 
«Оору клиникалык жактан жеңилирээк, бирок көбүнчө 5 жашка чейин балдар оорушат», - дейт Шербет Жусупова.
 
Эске салсак, жыл башынан бери Кыргызстанда COVID-19 илдети күчөгөн. Саламаттыкты сактоо министрлиги төртүнчү толкундун башталышын жана өлкөдө омикрондун инфекциялык штаммынын пайда болгонун билдирди. Бүгүн 781 жаңы учуру аныкталды, анын ичинде 36 дарыгерлер. Өлкөдө дарылоонун жаңы клиникалык протоколу бекитилди.