Токтогулда дааратканадан ымыркай табылды

Токтогулда дааратканага ташталган ымыркайды Өзгөчө кырдаалдар министрлигинин кызматкерлери куткарышты. Бул тууралуу Өзгөчө кырдаалдар министрлигинин басма сөз кызматы билдирди.
 
Анын айтымында, бир күн мурун Сарагул көчөсүндөгү дааратканада жаңы төрөлгөн бала табылгандыгы тууралуу маалымат түшкөн.
 
Окуя болгон жерге төрт куткаруучу барып, ымыркайды дааратканадан алып чыгып, ИИМге жана тез жардам кызматкерлерине өткөрүп беришкен. Ымыркайдын абалы орто деп бааланууда.
 
Учурда окуянын себептери иликтенүүдө.