Рыскелди Момбеков: «Кумтөр ишинде 2003-жылдагы келишимге Аскар Акаев, 2009-жылга Курманбек Бакиев күнөөлүү»

 
"Кумтөр" иши боюнча бардык жоопкерчилик мурдагы президенттер Аскар Акаев менен Курманбек Бакиевге жүктөлгөн. Бул тууралуу депутат Рыскелди Момбеков Жогорку Кеңештин жыйынында билдирди.     
 
Ал эми учурдагы Кумтөргө каршы козголгон кылмыш ишинин алкагында камакка алуу иштери саясатташтырылган.
 
“Кумтөр ишинде 2003-жылдагы келишимге Аскар Акаев, 2009-жылдагы келишимге Курманбек Бакиев гана күнөөлүү. Калгандары саясий куугунтуктун курмандыктары. Азыр учурдагы жана мурдагы депутаттар 2013-жылы кенди улутташтырууга каршы добуш бергендиги үчүн камакка алынып жатат. Анда эмне үчүн сиздер бүгүн Кумтөрдү улутташтырууга каршы болуп жатасыздар? Мен Кумтөрдү улутташтырууну сунуш кылбадымбы», - деди Рыскелди Момбеков.