Галина Байтерек: «Кыргызстан Сох анклавына жол ачса, Өзбекстан Үӊкүр-Тоону берет»
- 13.03.2021, 13:00,
- Башкы / Саясат
- 0
Facebook
Вконтакте
Одноклассники
Google+
Кыргыз тарап Кыргызстан аймагында жайгашкан Сох анклавына аба каттамдарын жана транспорт жолун ачууга даяр. Сох анклавынын жашоочулары чек арадан ээн-эркин өтө алышат. Өз кезегинде Өзбекстан Кыргызстанга ушул кезге чейин талаштуу аймак болуп келген Үӊкүр-Тоо аймагын берүүгө даяр. Бул тууралуу кыргыз президенттинин басма сөз катчысы Галина Байтерек маалымдады.
Анын айтымында, жакынкы күндөрү мамлекеттик чек арадагы 7 өткөрүү пунктунун иши жандандырылат, өзбек тарап жүк ташуу маселесин чечип, өткөрүү бекетти керектүү жабдуулар менен камсыз кыла турган болду.
Кыргызстан менен Өзбекстан жакынкы айларда, тактап айтканда 3 айдын ичинде чек ара маселесин чече турган болушту.
Буга чейин Үӊкүр-Тоо талаштуу аймактардын катарында кирип келген. 2016-жылы ошол аймакта чыр чыгып, Өзбекстан талаштуу аймакты өзүнүкү деп чыккан. Үӊкүр-Тоодо Кыргызстанга тиешелүү РРС-24 «Кербен» радиорелейлик станциясы жайгашкан.
