Камчыбек Ташиев: «Бабанов калп айтпасын»

 
Улуттук коопсуздук боюнча мамлекеттик комитетинин төрагасы Камчыбек Ташиев социалдык тармактардагы баракчасына экс-премьер-министр Өмүрбек Бабановго жооп кайтарды.
 
«Бабанов калп айтпасын жана коомчулукту адаштырбасын. Биз 9-октябрдагы башаламандыктан кийин ал менен жолуккан эмеспиз жана «митингдерди биз уюштурган жокпуз» деп айткан эмеспиз. Р. А. Казакбаев калп айттырбайт, биз Өмүрбек Бабанов менен 9-октябрга чейин жолукканбыз. Дагы бир жолу тактап коеюн, Бабанов калп айтып атат. Ал Атамбаев жана башкалар менен Ала-Тоо аянтына бийликти элден тартып алуу үчүн келишкен. 9-октябрдагы митингде чагымчылык уюштургандарды иликтеп, жазалайбыз», - деп жазган ал.
 
Буга чейин Бабанов маалымат каражаттарынын бирине берген маегинде ал 13-октябрда Садыр Жапаров жана Камчыбек Ташиев менен, андан кийин Сооронбай Жээнбеков менен жолугушканын айткан.