«Алтуха» каймана аты менен белгилүү болгон кримтөбөл кармалды

 
Улуттук коопсуздук боюнча мамлекеттик комитет «Алтуха» деген каймана ат менен белгилүү болгон кримтөбөлдү кармады. Бул тууралуу министрликтин пресс-борбору билдирди.
 
Кримтөбөл уюшкан кылмыштуу топтордун ишмердүүлүгүнө каршы жүргүзүлгөн иш-аракеттердин алкагында кармалганы такталды.
 
«Бүгүн уюшкан кылмыштуу топтун активдүү мүчөсү кармалды. Алтынбек Ибраимов УКМКнын убактылуу кармоочу жайына киргизилди. Кармалган адамга карата анын кылмыш иштерине катыштыгы бар экендиги боюнча зарыл болгон тергөө-оперативдик иш-чаралар жүргүзүлүүдө», - деп билдирди УКМК.