Кыргызстанда күйүүчү-майлоочу май менен камсыздоодо коркунуч бар. Бул тууралуу бүгүн, 24-мартта министрлер кабинетинин антикризистик чараларга арналган жыйынында каржы министри Алмаз Бакетаев билдирди.
Анын айтымында, маселени чечүү үчүн өлкө бюджетинен 2 миллиард сом бөлүү пландалууда. Бул каражат нефтетрейдерлерге күйүүчү май сатып алуу үчүн бөлүнөт.
«2022-жылы үрөн фонду менен камсыз кылуу жагынан үрөн сатып алууга 1,5 млрд сом бөлүнгөн. Мындан тышкары, жеңилдетилген каржылоо боюнча пландар бар», - деди ал.
Каржы министри ошондой эле энергетикалык коопсуздук боюнча иштер уланып жатканын кошумчалады. 3 миллиард сомго жакын бюджеттик кредит бөлүнгөн.
