Түмөнбаев: Аял депутаттарды кызматтык унаа менен камсыз кылуу керек

 Аял депутаттарды кызматтык унаа менен камсыз кылуу керек. Бул тууралуу депутат Акылбек Түмөнбаев президент Садыр Жапаровго кайрылуусунда билдирди.
 
Ал парламенттин жыйынында билдиргендей, алтынчы чакырылыштын депутаттары акчаны үнөмдөө үчүн кызматтык унаалардан баш тартышкан.
 
«Бул чакырылышта арабызда 16-17 аял депутат бар. Алардын көбү катардагы депутаттар жана эркектерге караганда аялдардын жүгү көбүрөөк экенин баарыбыз билебиз. “Элдик топтун” атынан, ошондой эле өзүмдүн атымдан депутат айымдарды кызматтык унаа менен камсыз кылууну суранам. Менин сунушум президент тарабынан четке кагылбайт деп ишенем», - деди ал.