«Кыргызалтында» жаӊы жетекчи

 Маратбек Чолпонкулов «Кыргызалтын» ачык акционердик коомунун  башкармалыгынын төрагасы болуп дайындалды. Бул тууралуу компаниянын басма сөз кызматы билдирди. 
 
Ал «Кыргызалтын» ишканасынын директорлор кеңешинин чечими менен шайланып, буга чейин командага сунушталгандыгы белгиленди. Маратбек Чолпонкулов аталган кызматка дайындалганга чейин бир жарым жыл өкмөттүк аппараттын өнөр жай, отун-энергетикалык комплекси жана жер казынасын пайдалануу бөлүмүнүн башчысы болуп иштеген.