Бүгүн, 11-апрелде Алыкул Осмонов атындагы Улуттук китепкананын Чыңгыз Айтматов атындагы жыйын залында Кыргыз Республикасынын маданиятына эмгек сиӊирген ишмер, көрүнүктүү публицист, чыгаан журналист жана жазуучу Баратбай Аракеевди эскерүү кечеси болуп өттү.
Иш-чарага Маданият министринин биринчи орун басары Кайрат Иманалиев, академик Абдылдажан Акматалиев, журналист Тилектеш Ишемкулов баштаган адабият, маданият ишмерлери, калемдеш акын-жазуучулары, замандаш журналистери жана шакирттери катышты.
Жыйында сөз сүйлөгөндөр Баратбай Аракеевдин өзгөчө жазуу стилин, курчтугун жана тайманбастыгын баса белгилешти. Анын сөзү гана курч эмес, мүнөзү да курч болгонун, кошоматчылыкты жек көргөнүн, акыйкатык, чындык дегенде эч нерседен коркпогон баатыр мүнөз инсан болгонун эскеришти.
Баратбай Аракеев бир жыл мурда ушул күнү жүрөк оорудан жаза болгон.
